العودة  

شعراء قبيلة العوامر خـــــاص بقصائد شعراء العوامر

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 19 - 9 - 2016, 02:40 AM
 
عبد الله
|[ عـضـو جـديـد ]|

 
 بينات الاتصال بالعضو
 
  عبد الله غير متواجد حالياً  
الملف الشخصي
رقــم العضويـــة : 3761
تـاريخ التسجيـل : 18 - 9 - 2016
المشاركـــــــات : 3 [+]
عدد الـــنقــــــاط : 10
قوة التـرشيــــح : عبد الله is on a distinguished road
Hasri قصيدة للشاعر الهلالي الجزائري عن تاريخ وحال قبيلته الهلالية وهو من قبيلتي و ابن مدينتي الشاعر بومدين سلمان

بالله يا تاريخنا فيك نسول. عيد علي خصايل جدودي الابطال
أنا عقلي راه عنهم متخلخل. وفي قلبي حسيت ثاقب ذا المشعال
حدثني بحديث من هو عاقل وجاوبني بجواب يشفي من الاعلال
نطق لي قال لي غير تمهل. واش نعود يا بني ذي قرون طوال
خليني في حالتي راني عاطل. والا هامل كي الناس اللي همال
علاش تهوض في محاني ياراجل. وتفكرني في نجوع بني هلال
أهل الكلمة الواكدة ماتلقى غل. واهل الخبزة الوافية ماهم بخال
راس العرمة يمد منها ويكيل. والرقبة مخزونها كييضيق الحال
وحاضي منو ما تصيبوش مهمل. وحق الله مسبوق داروا بيه الفال
وما يخدع مايدير الأمان بمكحل. وما يشفق ما يحن ع اللي عقلو مال
وما هانوش حريمهم عاش مدلل. وما باعوش فحولهم في سوق المال
افخر يا من جيتني ضروك تسول. هاذي هي خصايل جدودك الأبطال
حافظ عنها كانك راجل عاقل. ذي وصية قولها ضروك للأجيال
قوللهم آثاركم ماهو هامل. وابحثو تلقو جوابي في الأنسال
و ذا تاريخك حض بالاك تهمل. واعملو تفكير يمشي معاكم كالخيال
من جاب الأبيات باسمه يكمل. بومدين سلمان نسبو فالمقال
والصلاة على النبي طه المرسل. محمد شفيعنا يوم الاهوال



المصدر : منتديات قبيلة العوامر الرسمي - من شعراء قبيلة العوامر

التعديل الأخير تم بواسطة عبد الله ; 19 - 9 - 2016 الساعة 02:44 AM سبب آخر: خطأ في الكتابة
رد مع اقتباس
قديم 20 - 9 - 2016, 01:38 AM   رقم المشاركة : ( 2 )
عبد الله
|[ عـضـو جـديـد ]|


الملف الشخصي
رقــم العضويـــة : 3761
تـاريخ التسجيـل : 18 - 9 - 2016
المشاركـــــــات : 3 [+]
عدد الـــنقــــــاط : 10
قوة التـرشيــــح : عبد الله is on a distinguished road

 
 بينات الاتصال بالعضو
 

عبد الله غير متواجد حالياً

Mangol ثاني قصيدة للشاعر بومدين سلمان الجزائري عن منطقته جبال العمور ومدينة أفلو

1- التعريف بالمنطقة
يا فاهم معنى لكلام اسمع ليا.........نعطيلك اوصاف جبلي بأنعاتو
مسترفد ما هوش كاف ولا كدية......وجميع اللي عالية مالحقاتو
راكز بين التل والصحرا الحية.......اسمو جبل عمور تاريخ بذاتو
طبعوا قرن عريف شامخ علية......أخضر لونو فيه تعجب نظراتو
سيدي عقبة سور مطبوع حكاية .....كذا من عشاق وصفو نسماتو
تلقى وسطو سر نعت الكيميا.......وزادتلو جمال بالنور ضواتو
جابتلو رجال اصل و هميا........وهي مدينة أفلو كي واتاتو
كذا من صلاح فيه وأولياء.......جالو في الاوطان زادو شيعاتو
ياسر من سعدو معاهم بالنية ......وياما من خداع الأيام نساتو
2:وصف بطولات اهل المنطقةفي مقارعة الاستعمار : **************
نحكيلك مادار ولد الجبلية..........في قوم الكفار خلى طعناتو
ماذا ادارو في اولاد الذمية........وفي سيدي عثمان دقوه وفاتو
"القعدة" وجبالها كي ملوية......والصمة محال تنسى خصلاتو
وكذا من فرسان شاعت لزمية......في شاو المشوار تسمع لقطاتو
سرج الهمة والمكاحل دواية.......البارود العربي تمور كياتو
ادهم واشهب زاد للوالع كية.......ولزرق دار بدار تسمع صهلاتو
اذا خمل كي الموج المبنية.........ومن وسط المحيط جهلة رفداتو
3وصف المرأة الريفية في المنطقة (الجبلية)وكيف تنسج الزربية
**************
واذا كان نحدثك عالجبلية.........مولاة الضنة العهد وفاتو
الفراش المخمول باسمه زربية.......وشاعت بيه الزايخة هي رقماتو
الخزناشي مقابل اسطنبولية.......والفضيل مع المرابط طواتو
رقمة سبعة شايعة ع الشراية........متموم العدة والوافي حسباتو
احمر واسود ربعاتو في الثنية.........ومشبح باللون الابيض تحفاتو
. 4ذكر عيون وحسيان جبال العمور *************
وكذا من حسيان بمياه قوية........يشفى منها اللي مريض بليعاتو
بارد صافي من عيونو جراية.......و روية للعطشان تطفي فحماتو
وياما من اثر شايع بحكاية.......حتى من الرومان خلا بصماتو
كل عجب تلقاه فذي الناحية .......واسمك يا دقيوس مذكور بذاتو
@@@@@@@@@
قاع اللي قلناه ذا غير شوية.......مازال البقاي يلحق بأوقاتو
وذا واجبنا ما عملناش مزية......وردي على اللي قال ذو هلها ماتو
-------
ملاحضة :هذا يعرف عندنا بالشعر الشعبي ، وعادة ما ينشده البدو ، في الجزء1منها
يصف الشاعر المنطقة و يعرف بجبال العمور وموقعها ،الجزء 2:يصف اخلاق وبطولات رجال المنطقة في الحرب وخصوصا اثناء فة فترة جهاد الاستعمار الفرنسي ،وكذلك بين مكانة الحصان الاصيل واهميته ووصفه بالموجة ،الجزء 3:وصف المرأة الريفية ابنة المنطقة واثنى عليها في واجباتها المنزلية وخاصة في نسيج زرابي جبل العمور المعروفة ،الجزء4 ذكر مياه المنطقة وهي عيون وحسيان (ابار) التي تعتبر اهم مصدر حيوي للمنطقة وهي صحية ،كذلك ذكر الرسوم القديمة وآثار المنطقة الشاهدة عن العصور الحجرية والرومانية ، وفي الأخير يختم قصيدته ببيتين يقول ان كل اللذي قالو لا يعطي للمنطقة حقها ويعتبر قليلا بالنسبة لما فيها ،ونتمنى ان تنال اعجابكم وشكرا .

التعديل الأخير تم بواسطة عبد الله ; 20 - 9 - 2016 الساعة 01:40 AM سبب آخر: خطأ
  رد مع اقتباس
إضافة رد

مواقع النشر (المفضلة)

الكلمات الدلالية (Tags)
للشاعر, مدينتي, من, الجزائري, الشاعر, الهلالي, الهلالية, ابن, تاريخ, بومدين, سلمان, عن, و, نداء, وهو, قبيلتي, قبيلته

جديد منتدى شعراء قبيلة العوامر

قصيدة للشاعر الهلالي الجزائري عن تاريخ وحال قبيلته الهلالية وهو من قبيلتي و ابن مدينتي الشاعر بومدين سلمان



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: قصيدة للشاعر الهلالي الجزائري عن تاريخ وحال قبيلته الهلالية وهو من قبيلتي و ابن مدينتي الشاعر بومدين سلمان
الموضوع كاتب الموضوع المنتدى مشاركات آخر مشاركة
ثاني قصيدة للشاعر بومدين سلمان الجزائري عن منطقته جبال العمور ومدينة أفلو عبد الله شعراء قبيلة العوامر 0 24 - 9 - 2016 12:54 AM




الساعة الآن 01:15 PM


Powered by vBulletin® Copyright ©2000 - 2017, Jelsoft Enterprises Ltd.
RSS RSS 2.0 XML MAP